Þann 21. apríl kl. 15 opnar Gréta Gísladóttir myndlistarsýninguna Glansmynd af sumri í Tré og list Forsæti, Flóahreppi. Í verkunum tvinnast saman dagdraumar, ástarsögur, náttúran og glansmyndin. Hér er um að ræða litrík og skemmtileg verk. Þetta er sölusýning og stendur hún fram í júlí. Allir hjartanlega velkomnir.

Listamaðurinn

Gréta Gísladóttir er fædd á Selfossi 13. febrúar 1973. Hún er dóttir Perlu Maríu Jónsdóttur, frá Litlu-Vallá á Kjalarnesi og Gísla Steindórssonar, frá Sólbakka á Selfossi. Hún gekk í barnaskóla á Selfossi og í Mosfellsbæ, framhaldsskóla í Reykjavík og Akranesi og Fósturskóla Íslands áður en hún fór að læra myndlist.

Nú er verið að undir búa nýja sýningu sem mun opnar í apríl - nánar síðar. Með kærri ósk um gleðilegt sumar. Það er kærkomið eftir snjóþungan vetur. Hér er mynd af dönskum hóp sem kom til okkar í Júlí 2010.

Prúðir krakkar úr Flóaskóla heimsóttu Tré og list fimmtudaginn 1.mars. Börnin komu vel fyrir, það var gaman að fá þau í heimsókn. Heimsóknin var hluti af þema vinnu að kynnast mannlífinu fyrr á árum.

Einnig var þetta fyrsta heimsóknin í Tré og list þar sem nýr flygill staðarins fékk að njóta sín. Hann kom í safnið fyrir nokkrum dögum. Kolbrún og Ágúst léku Sprengisand fjórhent og börnin sungu með.

Tré og list sendir öllum gestum sínum óskir um gleðileg jól og farsælt nýtt ár. Nú er aðeins opið eftir pöntun .