Myndir frá síðustu 2 dögum goss í Eyjafjallajökli. Takið eftir regnbogakúlunni á fyrstu myndinni sem birtist þegar mökkurinn sogaði vatnsgufu upp með sér og sólin náði svo að skína í gegn. Gríðar mikil aska í gosinu. Síðustu nótt voru þungar drunur í Flóa og eldstrókurinn lýsti upp gosmökkinn.

Ólafur flaug yfir gosstöðvarnar um kl.16. Hann telur að hraunið sé komið þar sem hvíti strókurinn kemur upp af Gígjökli. Gríðarlegar sprengingar og grjótflug upp úr gígnum. Talsvert öskufok skáhalt niður af jöklinum sunnanverðum. Sérkennilegur vindstrengur í um 10þ. fetum vatt mökkinn í slæður en í 7þ. fetum var nánast logn.