Enn er farið að gjósa hér á landi. Nú eru það Grímsvötn. Ólafur flaug að gosinu nær samstundis og það kom upp og var strax ljóst að þetta voru miklar hamfarir. Þótt mikið hafi gengið á í Eyjafjallajökli var það barnaleikur á við þetta.

Mökkurinn var hvítur í fyrstu en dökknaði ört þann tíma sem flogið var inn á jökul. Þá fóru að koma ákafar eldingar sem færðu sig utar og utar ofan úr sveppalaga mekkinum efst og beint niður í jökulinn eftir því sem meiri aska barst þangað upp. Ekki beint árennilegt að fara of nærri. Vonandi er að hörmungarnar á öskufallssvæðunum taki fljótt enda .